ЛИДОКАИН ГИДРОХЛОРИДІ-DF

ампулалар 1%, 3,5 мл, №5 және №10

Босатылады: РЕЦЕПТ БОЙЫНША

Фарм.тобы: Ампулалар

ҚОЛДАНУ КӨРСЕТКІШТЕРІ:

  • хирургиядағы, офтальмологиядағы, стоматологиядағы, отоларингологиядағы жергілікті анестезия (терминалдық, инфильтрациялық, өткізгіш),

  • перифериялық нервтер мен жүйке түйіндерінің блокадасы.

dwldПрепаратты қолдану жөніндегі нұсқаулықты жүктеп алу

Құрамы

Ерітіндінің бір ампуласында мыналар бар:

  • белсенді затлидокаин гидрохлориді 2мл, 40 мг немесе 3,5 мл, 35 мг және 5мл,50 мг;
  • қосымша заттар: натрий хлориді, 1 М натрий гидроксиді ерітіндісі (рН 5.0-7.0 дейін), инъекцияға арналған су

Дәрілік формула

Инъекцияға арналған 10 мг/мл және 20 мг/мл ерітінді

Фармакотерапиялық тобы

Анестетиктер. Жергілікті анестетиктер. Амидтер. Лидокаин.

Код АТХ N01BВ02

Көрсетілімдер

  • хирургиядағы, офтальмологиядағы, стоматологиядағы, отоларингологиядағы жергілікті анестезия (терминалдық, инфильтрациялық, өткізгіш)
  • перифериялық нервтер мен жүйке түйіндерінің блокадасы.

Қарсы көрсеткіштер

  • анамнездегі дәрілік зат компоненттерінің кез келгеніне немесе басқа амидті жергілікті анестетикалық дәрілік заттарға аса жоғары сезімталдық;
  • синус түйінінің әлсіздік синдромы (әсіресе егде жастағы науқастарда), сол жақ қарыншаның функциясының айтарлықтай төмендеуі
  • Вольф-Паркинсон-Уайт синдромы;
  • жүрек блокадасы: ІІ - ІІІ дәрежелі атриовентрикулярлық (қарыншаларды ынталандыру үшін зонд енгізілген жағдайларды қоспағанда), қарыншаішілік; синус-атриальды;
  • қарыншаішілік өткізгіштіктің бұзылуы;
  • кардиогенді шок;
  • ретробульбарлық енгізу (әсіресе глаукомамен ауыратындарға);
  • порфирия;
  • Морганья-Адамс-Стокс синдромы;
  • акушерлік тәжірибеде анестезия үшін - ұрықтың дамуының бұзылуы, фетоплацентарлы жеткіліксіздік, шала туылу, кешіктіру, гестоз;
  • эпидуральды анестезия үшін - ауыр гипотензия, кардиогенді шок және гиповолемиялық шок, неврологиялық аурулар, септицемия, омыртқаның деформациясына байланысты пункция жүргізудің мүмкін еместігі;
  • субарахноидты анестезия үшін - арқадағы ауырсыну, мидың инфекциясы, мидың қатерсіз және қатерлі ісіктері, әртүрлі шығу тегі коагулопатиялар, мигрень, субарахноидты қан кету, артериялық гипертензия және гипотензия, парестезия, психоз, истерия, жанаспайтын науқастар, омыртқаның деформациясына байланысты пункция жүргізудің мүмкін еместігі;
  • лидокаинді бұдан бұрын қолданған кездегі эпилептиформдық құрысулар (сыртартқыда);
  • 18 жасқа дейінгі балалар мен жасөспірімдер.

Сақтықпен: жүрек жеткіліксіздігінің ауыр түрінде, бауыр және/немесе бүйрек жеткіліксіздігінде, әлсіз науқастарда, гиповолемияда, AV блокадада, синустық брадикардияда, артериялық гипотензияда, ауыр миастенияда, жүктілікте және лактация кезіңінде.

Қолдану тәсілі және дозалары

Лидокаинді қолданар алдында препаратқа, инъекция жасалған жердің ісінуімен және  қызаруымен айғақталатын, жекелей жоғары жеке сезімталдыққа тері сынамасын міндетті түрде жүргізу керек.

Анестезия жүргізу үшін дәрілік заттың  мөлшері және жалпы дозасы анестезияға және хирургиялық араласымның сипатына байланысты.

Инфильтрациялық анестезияда концентрациясы 10 мг/мл (1%) бар 30 мл-ге дейін ерітінді пайдаланылады.

Өткізгіш анестезияда 10 мг/мл (1%) және 20 мг/мл (2%) ерітінділерді қолданылады; ең жоғары жалпы доза – 400 мг дейін (лидокаиннің 40 мл 1% ерітіндісі және 20 мл 2%  ерітіндісі).

Стоматологиялық тәжірибеде 1-5 мл (20-100 мг) 2% ерітіндісін пайдаланады; қабырғааралық жүйкелердің блокадасында – 3-5 мл (30-50 мг) 1% ерітінді;  парацервикальді анестезияда –  10 мл (100 мг) 1% ерітінді әрбір жағына (кем дегеннде 1,5 сағаттан кейін қайталап енгізілуі мүмкін); Оберст – Лукашевич блокасында – 2-3 мл 2% ерітінді. 

Вагосимпатикалық блокада: мойн бөлімі – 5 мл (50 мг) 1% ерітінді, бел – 5-10 мл (50-100 мг) 1% ерітінді.

Эпидуральды анестезия – 200-300 мг (10-15 мл) 2% лидокаин ерітіндісі пайдаланылады. Катетердің көмегімен анестетикті үздіксіз енгізіп пайдалану ұсынылмайды; ең жоғары дозаны енгізу 90 минуттан кейін жиі қайталанбауы тиіс.

Шырышты қабықтардың анестезиялары үшін (кеңірдекке интубацияда, бронхоэзофагоскопияда, фиброгастродуоденоскопияда, полиптерді жойғанда, гаймор қуыстарын шаншып тескенде және басқа) көлемі 20 мл-ден аспайтын 2% ерітіндіні қолданады. Анестезияның ұзақтығы – 15-30 минут.

Офтальмологияда: хирургиялық араласымның немесе зерттеудің тура алдында 30 – 60 секунд аралықпен 2 – 3 рет 2 тамшы 2% ерітіндіні конъюнктивальді қалтаға тамызады.

Ересектер үшін ең жоғары доза – 4,5 мг/кг немесе 300 мг аспайды.

Лидокаиннің әсерін ұзарту үшін ex tempore 0,1% адреналин ерітіндісін қосылуы мүмкін (5-10 мл лидокаин ерітіндісіне 1 тамшы, бірақ 5 тамшыдан асырмайды). Мұндайда  лидокаиннің ең жоғары рұқсат етілген дозасы 500 мг дейін арттырылады.

Ескерту: вена ішіне енгізгеннен кейін лидокаиннің әсер ету ұзақтығы қысқа (ұзақтығы 15-20 мин) болады. Егер вена ішіне тамшылы инфузия жолымен енгізу жеткіліксіз болса, вена ішіне бастапқы баяу енгізуден кейін оны қажет болғанда кем дегенде 10 минут аралықпен бір немесе екі рет 50-100 мг қайталауға болады.

1 г немесе 2 г лидокаиннің инфузиялық ерітіндісін дайындау үшін инъекцияға арналған 1 л  5% декстроза қосады және концентрациясы 1 мг/мл немесе 2 мг/мл лидокаин ерітіндісін алады.

Егде жастағы пациенттерде, әсіресе вена ішіне ұзақ инфузияда дозаны азайту ұсынылады. Бүйрек функциясының созылмалы жеткіліксіздігінде дозаны түзетудің қажеті болмайды. Бауыр ауруларында (цирроз, гепатит) және бауырдағы қан ағысы төмендеген пациенттерде (мысалы, жүрек функциясының созылмалы жеткіліксіздігі аясында) доза  40-50%-ға төмендетілуі тиіс.

Назар аударыңыз!

Вена ішіне тез енгізгенде артериялық қысым күрт төмендеуі және коллапс дамуы мүмкін. Мұндай жағдайларда фенилэфринді, эфедринді және қантамырларды тарылтатын басқа да дәрілерді қолданады. 

1% лидокаин ерітіндісін ішінде 1,0 г антибиотик бар  құтыға 3 мл лидокаин есебінен цефалоспориндер тобының b-лактамды антибиотиктерін бұлшықет ішіне енгізуге арналған инъекциялық ерітінді дайындау үшін еріткіш ретінде қолданады.

Жағымсыз реакциялар

Жүйке жүйесі тарапынан бұзылулар:

  • жиі - парестезиялар, бас айналу;
  • жиі емес - жүйелік нейроуыттылық белгілері (құрысулар, ауыз айналасының парестезиясы, тілдің жансыздануы, тремор, сандырақтау, ұйқышылдық, дизартрия, естен айырылу), сирек - нейропатия, шеткері жүйкелердің зақымдануы, арахноидит.

Көру мүшелері тарапынан бұзылулар:

  • сирек - диплопия (қосарланып көріну)

Жүрек тарапынан бұзылулар:

  • жиі – брадикардия;
  • сирек – аритмия, жүректің тоқтап қалуы.

Қантамырлар тарапынан бұзылулар: 

  • өте жиі – гипотензия;
  • жиі – гипертензия.

Тыныс алу жүйесі, кеуде қуысының ағзалары және көкірек ортасы тарапынан бұзылулар:  

  • сирек – тыныс алу функциясының жеткіліксіздігі, тыныс алудың бәсеңдеуі және тоқтап қалуы.

Иммундық жүйе тарапынан бұзылулар: 

  • сирек – аллергиялық реакциялар (есекжем, тері бөртпелері, Квинке ісінуі, өте ауыр жағдайларда – анафилаксиялық шок).

Асқазан-ішек жолы тарапынан бұзылулар:

  • өте жиі – жүрек айнуы;
  • жиі – құсу.

Артық дозалану

Симптомдары: уыттанудың бастапқы белгілері – бас айналу, жүрек айнуы, құсу, эйфория, астения, артериялық қысымның төмендеуі; содан кейін – беттің мимикалық бұлшықеттерінің құрысулары, қаңқа бұлшықетінің тонус-клонустық құрысулары, психомоторлы қозу, брадикардия, коллапс; босану кезінде пайдаланғанда жаңа туған нәрестеде – брадикардия, тыныс алу орталығының бәсеңдеуі, тыныс алудың тоқтап қалуы. 

Емі: уыттанудың алғашқы белгілері пайда болғанда енгізуді тоқтатады, пациентті көлденең жатқызады; оттегімен ингаляция жүргізеді. Құрысуларда диазепамды, брадикардияда –  м-холиноблокаторларды (атропин), вазоконстрикторларды (норэпинефрин, фенилэфрин) вена ішіне енгізу көрсетілген. Қажет болған жағдайда интубация, өкпені жасанды желдету, реанимациялық шаралар жүргізеді. Диализ тиімді емес.

Жүктілік және лактация кезеңінде қолдану

Лидокаин плаценталық бөгет арқылы өтеді, осыған байланысты тек пайда/қауіп арақатынасын талдағаннан кейін ғана болмаса, жүктілікте (әсіресе I триместрінде) оны тағайындау ұсынылмайды. Лидокаиннің аздаған мөлшері емшек сүтіне бөлініп шығады, сондықтан лидокаинді тағайындаған кезде емшек емізуді тоқтату керек.

Балалар

Препаратты балалар тәжірибесінде қолдану туралы деректер жоқ, осыған байланысты оны балаларда қолдану ұсынылмайды.

Арнайы нұсқаулар

Лидокаинді қолданар алдында препаратқа, инъекция жасалған жердің ісінуімен және  қызаруымен айғақталатын, жекелей жоғары жеке сезімталдыққа тері сынамасын міндетті түрде жүргізу керек. Лидокаинді енгізуді тек медицина қызметкерлері жүзеге асыра алады.

Аумақтық және жергілікті анестезияны тәжірибелі маман жүрек қызметіне мониторинг және реанимациялық шаралар жүргізу үшін қажетті дайын құрал-жабдықтарды және препараттарды дереу пайдалануға қол жетерлік, тиісінше жабдықталған бөлмеде жүргізуі тиіс. Анестезияны жүргізетін қызметкер білікті және анестезия жасауды меңгерген болуы тиіс, диагностикамен және жүйелік уытты реакцияларды, жағымсыз құбылыстар мен реакцияларды және басқа да асқынуларды емдеумен таныс болуы тиіс.

Жедел миокард инфарктісі бар науқастарда лидокаинді тағайындау асистолияның туындау жиілігінің артуы есебінен өліммен аяқталу қаупін арттыруы мүмкін. Бұлшықет ішіне жасалған лидокаин инъекциялары креатининфосфокиназа белсенділігін арттыруы мүмкін, бұл миокард инфарктісінінің диагностикасын қиындатуы мүмкін. Суправентрикулярлық аритмияларда лидокаинді қолдану ұсынылмайды (жүрекшелердің дірілінде және жыпылықтауында – тиімсіздігіне  және қарыншалық жиырылудың жиілеу қаупіне байланысты ).

Қан айналымының жеткіліксіздігінде, гипотонияда, гиповолемияда, гипокалиемияда, бауыр және/немесе бүйрек функциялары бұзылғанда лидокаинді енгізген кезде аса сақтық және дозасын төмендету қажет. Лидокаинді қолдануды бастағанға дейін қан плазмасындағы калий деңгейін қалыпқа келтіру керек.    

Эпидуральді анестезия гипотензияға және брадикардияға әкелуі мүмкін, бұл қауіпті коллоидты және кристаллоидты ерітінділерді алдын ала енгізу арқылы азайтуға болады. Парацервикальді блокада шаранада брадикардияны немесе тахикардияны туындатуы мүмкін, осыған байланысты оның жүрек қызметіне мониторинг жүргізу қажет.     

Препаратты егде жастағы пациенттерге енгізгенде аса сақтық таныту қажет.

Қатерлі гипертензияға бейім пациенттер ерекше көңіл бөлуді қажет етеді, өйткені олар жергілікті амидтік анестетиктерге резистентті болуы мүмкін.

Шығарылу түрі және қаптамасы

Инъекцияға арналған 10 мг/мл ерітінді: 5 мл және 3.5 мл-ден тығыздығы төмен жоғары қысымды полиэтиленнен жасалған полимерлік ампулаларда.

Инъекцияға арналған 20 мг/мл ерітінді: 2 мл-ден тығыздығы төмен жоғары қысымды полиэтиленнен жасалған полимерлік ампулаларда

Полимерлік ампулаларға заттаңба қағазынан жасалған заттаңба жапсырылады.

5 немесе 10 ампуладан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Өндіруші

«DOSFARM» ЖШС, Қазақстан, 050034, Алматы қ., Чаплыгин к-сі, 3, тел. (727) 253-03-88.

Тіркеу куәлігінің иесі

«DOSFARM» ЖШС, Қазақстан, 050034, Алматы қ., Чаплыгин к-сі, 3.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

 «DOSFARM» ЖШС, Қазақстан, 050034, Алматы қ., Чаплыгин к-сі, 3.

тел./факс: (727) 253-07-07, 253-03-88, эл. пошта: Этот адрес электронной почты защищён от спам-ботов. У вас должен быть включен JavaScript для просмотра.

Осы препаратқа сұрақ қою