Ерітіндінің 1 мл құрамында мыналар бар:  

• белсенді зат - ципрофлоксацин гидрохлориді 3,33 мг (ципрофлоксациннің 3,00 мг сайма-сай)  
• қосымша заттар: бензалконий хлориді, натрий дигидрофосфат дигидраты, сорбитол, инъекцияларға арналған су.

Көз тамшылары 0,3% 10 мл

Сезім мүшелері. Офтальмологиялық және отологиялық ауруларды емдейтін препараттар. Қабынуға қарсы препараттар. Ципрофлоксацин.

Код АТХ S03АА07

• Препаратқа сезімтал қоздырғыштар туындатқан көздің инфекциялық-қабыну аурулары:
• көздің және оның қосалқыларының инфекциялары: конъюнктивит, кератит, мөлдір қабықтың жарасы;
• офтальмологиядағы операциядан кейінгі инфекциялық асқынулардың алдын алу.

Дәрілік препаратты пайдаланған кезде бактерияға қарсы препараттарды дұрыс қолдануды басшылыққа алу қажет.

• хинолондарға немесе ерітіндінің қосалқы ингредиенттеріне жоғары сезімталдық
• көздің вирустық және саңырауқұлақ аурулары;
• 8 жасқа дейінгі балалар.

Ересектерде, соның ішінде егде жастағы пациенттерде қолдану.

Қабақтың жарасы:

• 1-ші күн: алғашқы 6 сағат ішінде әр 15 минут сайын ауру көзге 1 тамшы тамызыңыз, содан кейін сергектену кезінде әр 30 минут сайын 1 тамшы.
• 2-ші күн: сергектену кезінде әр сағат сайын ауырып тұрған көзге 1 тамшыдан тамшылау керек. 
• 3-ші күннен бастап 14-ші күнге дейін әр 4 сағат сайын сергектену кезінде ауыратын  көзге 1 тамшы тамызыңыз.

Егер емдеуді 14 күннен артық жалғастыру қажет болса, дозалау схемасын дәрігер анықтау керек.

Көздің (көздердің) және оның қосалқыларының инфекциялары:

Стандартты доза күніне 4 рет әрбір зақымдалған көздің конъюнктивалық қабына 1-2 тамшыдан тұрады. Ауыр инфекцияларда доза әр 2 сағат сайын 1-2 тамшы болуы мүмкін. Жағдайы жақсарғаннан кейін инстилляцияның дозасы мен жиілігі азаяды. Емдеу ұзақтығы 5-10 күннен аспауы тиіс.

Инстилляциядан кейін қабақтың тығыз жабылуы немесе мұрын-көз жасы окклюзиясы ұсынылады. Бұл көзге енгізілген препараттың жүйелі сіңуін төмендетеді, бұл жүйелі жағымсыз әсерлердің ықтималдығын азайтады.

Басқа жергілікті офтальмологиялық препараттармен қатарлас ем жағдайында оларды қолдану арасындағы 10-15 минут аралықты сақтау қажет.

Балалар. 8 жастан асқан балаларға арналған дозалау ересектерге арналған дазамен бірдей.

Құтының ұшы мен ерітіндінің ластануын болдырмау үшін сақ болу керек және құтының ұшымен қабаққа, іргелес учаскелерге немесе басқа беттерге тигізбеу қажет.

Көру органы тарапынан бұзылулар

Жиі:

• жайсыздық сезімі, ақ өңез (препаратты жиі қолданғанда мөлдір қабықтың ойық жарасы бар емделушілерде байқалған);
• Өңез, әдетте, емдеу басталғаннан кейін 24 сағаттан 7 күнге дейін пайда болды және терапия басталғаннан кейін бірден немесе 13 күн ішінде жоғалып кетті.
• бөтен дененің сезімі, қабыршықтар / кристалдардың пайда болуы;
• конъюнктиваның қышуы, жануы, жеңіл ауыруы және гиперемиясы.

Жеке жағдаяттарда:

• мөлдір қабықты бояу, кератопатия / кератит;
• аллергиялық  реакциялар;
• қабақтың ісінуі, көз жасының ағыуы, көз қарлығу,  қабақтың инфильтрациясы және көру өткірлігінің төмендеуі.

Басқалар:

• ауыздағы жағымсыз дәм, жүрек айну, бас ауруы;
• дерматит;
• суперинфекцияның дамуы.

Көзге жергілікті қолдану жағдайында  Ципрофлоксацин-DF препаратымен артық дозаланғанда көзді (көздерді) жылы сумен шаю қажет.

Жүкті әйелдерге бақыланатын зерттеулер жүргізілмегендіктен, Ципрофлоксацин-DF жүктілік кезінде ана үшін күтілетін пайда ұрық үшін ықтимал қауіптен жоғары болған кезде ғана қолдану керек.

Ципрофлоксацин жергілікті қолданғаннан кейін емшек сүтіне өтетіні туралы мәлімет жоқ. Сондықтан емізетін аналарға Ципрофлоксацин-DF препаратын  тағайындау кезінде абай болу керек.

8 жасқа дейінгі балаларға қолдануға болмайды.

Көз тамшылары түріндегі ерітінді көзішілік инъекцияларға арналмаған. Басқа офтальмологиялық дәрілік заттарды пайдаланған кезде оларды пайдалану арасындағы аралық кемінде 5 минут болуы тиіс.

Теріде бөртпенің алғашқы белгілері немесе жоғары сезімталдық реакциясының басқа белгілері пайда болған кезде Ципрофлоксацин-DF препаратын қолдануды тоқтату керек.

Хинолондарды жүйелі қолданған пациенттерде, сонымен қатар кейбір пациенттерде бірінші дозадан кейін аса жоғары сезімталдық реакциясының (анафилактикалық реакциялар) ауыр және кейде өлім жағдайлары туралы хабарланды. Кейбір реакциялар жүрек-қан тамырларының бұзылуымен, есінің жоғалуымен, қышуымен, жұтқыншақтың немесе беттің ісінуімен, тынысбұзылуымен, есекжеммен немесе қышумен бірге жүрді. Ауыр анафилактикалық реакциялар эпинефринді және басқа да реанимациялық шараларды, соның ішінде оттегі терапиясын, көктамыр ішіне енгізуді, антигистаминдерді, кортикостероидтарды, тамырларды тарылтатын аминдерді көктамыр ішіне енгізуді, клиникалық көрсеткіштерге сәйкес өкпені жасанды желдетуді қолдана отырып, кідіріссіз емдеуді талап етеді.

Хинолондар класындағы дәрілік заттарды жүйелі қолдану кезінде тікелей күн сәулесінің әсеріне ұшыраған пациенттерде ауыр күнге күю түрінде ауырлығы орташа және ауыр дәрежедегі фототоксикалық әсері анықталды. Күн сәулесінің шамадан тыс әсерінен аулақ болу керек. Фототоксикалық жағдайлар пайда болған кезде емдеуді тоқтату керек.

Ципрофлоксацинді кез-келген басқа бактерияға қарсы препараттар сияқты ұзақ уақыт қолдану оған сезімтал емес микроорганизмдердің, соның ішінде саңырауқұлақтардың өсуіне әкелуі мүмкін. 

Суперинфекция пайда болған жағдайда тиісті ем жүргізу керек.

Ципрофлоксацин-DF көз тамшыларында тітіркенуді тудыруы мүмкін консервант ретінде бензалконий хлориді бар. Сондай-ақ, бұл консервант жұмсақ жанаспалы линзаларды түссіздендіруі мүмкін, сондықтан ципрофлоксацин-DF препаратын қолданар алдында пациенттер жанаспалы линзаларды шешіп, 15 минут күтуі тиіс, содан кеййін линзаларын қайта киюге болады..

Жалпы қабылданған ережеге сәйкес, көздің инфекциясы болған кезде контактілі линзаларды қолдану қажет емес.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Басқа тамшыларды қолданғандағыдай, уақытша бұлыңғыр көру немесе басқа көру бұзылыстары көлік құралын немесе басқа механизмдерді басқару қабілетіне әсер етуі мүмкін. Егер көз көрудің анық еместігі байқалса, пациент автокөлікті немесе басқа механизмдерді басқармас бұрын көру қалпына келгенше күтуі қажет.

Препараттың 10 мл алғашқы ашылуы бақыланатын қалпақшалармен тығындалған пластикалық флакон-тамшылатқыштарға құйылған. Бір құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Жарықтан қорғалған жерде, 25 ˚С –тан аспайтын температурада сақтау керек.

Мұздатпаңыз.

Балалардың қолы жетпейтін жерде сақтау керек!

3 жыл

Құтыны ашқаннан кейін пайдалану мерзімі – 28 тәулік.

«DOSFARM» ЖШС, Қазақстан, 050034, Алматы қ., Чаплыгин к-сі, 3, тел. (727) 253-03-88.

«DOSFARM» ЖШС, Қазақстан, 050034, Алматы қ., Чаплыгин к-сі, 3.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«DOSFARM» ЖШС, Қазақстан, 050034, Алматы қ., Чаплыгин к-сі, 3.

тел./факс: (727) 253-07-07, 253-03-88, эл. пошта: Этот адрес электронной почты защищён от спам-ботов. У вас должен быть включен JavaScript для просмотра.